ISILPENA (IV)

Zu egiak entzuteak beldurtzen zaitu.

Ni egiak esateak mintzen nau.

Isilpean gurago. Denok.

Isilik daude bizartegietako labanak.

Isilik daude harrapaturiko arrainak.

Isilik basamortuko harriak.

Isilik harresi eta murruak.

IXO!

Kargatutako armak isil dira.

Isiluneak

isiltasun kondena apurtu du,

pilatu ditudan zauriak

urratuak ditu.

Isilpean,

inork ez entzun arren,

mugimendu telurikoak ez dira eteten.

Eta gero

lurrikara.

Presio eltzeak

bonbak ere izan daitezke.

Eztandak beldurtzen zaitu zu.

Eztandari eskerrak ematen dizkiot nik.