BETIRAKO AGUR ERREPIKATUAK

Alde egiten duzunean, betirako egiten duzu alde.

Goizetik sumatzen dut bihotza

betirako agurra prestatzen.

Hain hotz, ezen erre egiten baitit.

Laga, laga egiten nauzu,

betirako lagatzen nauzu,

tarte batez ni existituko ez naizela

jakin badakidalako.

Eta ni kantsaturik.

Betirako agurrek arima kantsatu ahal dute,

lurpean legez.

Tarte batez existitu ez naizen lurpeko moduan.

Hotza.