—90—

JON MIRANDEri

Paris, 1952-XII-4

        Adiskide ona:

        Eskuetaratu zait zure gutun berant-etsia bai eta bi euskal lantxoak ere. Dakuzunez jaso bezin usu idaz-lan ok idazkinez jo ditut. Atxikita arkituko dituzu.

        Ene agertaldiak gero eta bakanago direla? Ez arri adiskide. Oso naspildurik dabilkit biotza aspaldi ontan, ezertarako ere gogo eta adore gabe. Oraingoa bezalako beltzaldirik ez dut aunitz urtez gero egari. Beltzaldiak arrago omen, eneak ere orrela ditezke, bainan onen beste arrago gogaikarri gertatzen zait. Itz batez zoin ta gogo akiturik arkitzen naiz. Ez dut onik erron euskeraz lantxo eskas ta funts gabekoak izan ezik. Oiek ere etsipen osoan ez murgiltzeko ondu ditut. Beldur naiz burua ere onetik aterako ez zaidan.

        Pozik bertzalde zure berriak irakurri ditut, batez ere euskel bidetik zintzoki zabiltzala jakiteak atsegin eman dit. Aurrera adiskide gazte zeran artean, ederrik asko burutu baititzakezu.

        Zaitegiren berriak izan ditut, oiek ere aspaldiko partez. Eneida euskeratzeko esan dit. Ezetz erantzun diot, ez dagokidala alper lanean igatzerik. Eskutitz gogortxoegia idatzi diodalakoan nagokizu. Eta gizaixoak ez du orlakorik merezi. Sumin eta ozpin-aldian atzeman nindun aren letrak, eta ene ozpin-ontzia nerean uxtu nuen. Aldizkari ta liburuetaz kritikarik ez noala geio idaztera ere esan nion, eta egingo ori betetzeko beste norbait arkitzeko. Asperturik nago igaro iru urte auetan ater gabe txalo joka ta kritika idazten. Arrezkero ez dut aren berririk jaso. Bear bada, nere irakurtzean samurtuko zitzaidan. Eztituko ere da, nai baldin badu.

        Tauer-ek ere idatzi dit. Irizarren zuzenbidea eskatzen dit, eta nik ez dakitzut. Gabonetarako idatzi gogo lioke. Zuk Tauer-i idazten badiozu, biali ezaiozu otoi eskatzen duen zuzenbide ori niketz dioakiola esanaz.

        PENgo zadorlaritza utzi nai nuke eta Krutwig-i eskeini nion. Gutun bat egin zidan, zuk eta berak, biok onartzen zenutela zadorlaritza ori esanaz. Laister egin bear dugu urteko batzarra, beraz batzarre ortan nere paper guztiak zuen eskuetan utziko ditut PEN orretaz kargutu zaitezten. Nik baino obeki burutuko duzute nonbait, eta ez zaizue zail izango, egingo ori. Datorren astean edo bialiko dizut batzarrerako deia.

        Jakingarriak zure heraldika lanak ere. Nik nere egun autetsi bear banu, blasoia alegia, ikaragarria litzake. Ez noakizu zeapenik ematera ere ikara ez zaitezten. Lantxo oiek, jarrikian eramatekotan, E.-G.n argitara zenitzakela nik uste. Zaitegik pozik artuko ditu noski.

        Zuk aipatu larunbatean elkar ikusiko dugu noski, ala ere aldez aurretik abisatuko dizut nun ta nola erabaki dezadanean. Orduan zure olerki orraztuak jasoko ditu. Or utzi nizun Maita-bidea-ren aldakia, neonek gorde bear dut papel sendoan idatzia baitatza. Ingi meagoan egindako emanen dizut ordez gorde dezazun edota ipurdia garbitu dezazun: ortarako askoz ere obeagoa da paper meia.

        Agur adiskide. Barkatu arren gaizki esanak oro. Sarri artio.