—64—

JOKIN ZAITEGIri

Guatemalara

Paris, 1952-II-20

        Adixkide laztana:

        Ez geiago luzetzeagatik, oraintxe berton entzutera natorkizu. Arritu zaitez: Zure ilbeltzaren 16ko idazkia, egun eskuetaratu zait. Bainan ez duzu zertan arritu, bada izparkarietatik jakin dut or zenbait oporraldi egari bear izan dituzutela, eta bidaietan ain zuzen ere. Gertakari oriek dirala bide, zure idazkia ere or nunbait kokatu da, eta gaur arte etzait eskuetaratu.

        Pozten naiz lurtamuok eskuetaratu zaizkitzulako. Bildur nintzan atzera-biderik ez ote zuten izango. Gaur bertan Deyrolle-nera joango naiz eta zure eskaria egingo diot, itxas-ontziz, len-bait-len, igorri detzatzun. Oartuko zinan zuk igorritako diruekin guztia ordaintzeko, dana dala, oartxo ori baezpada ere egiten dizut. Eta orain goazen diru-kontuetara.

        Zure irureun dolarrei 420 franco eragin dizkiet dolar bakoitzeko: nik jaso nituanak oietxek izan dituzu:

        300 dolar bakoitzak 420 franco        126.000,— franco

        Lurtamuak 22.785 f (borobilduz)        23.000,—    «

                ————————————————

        Beraz, zure dituzu        103.000,— franco

        Azkenekoz bidali dizkidatzun 60 dolarrei, ez jakin oraindik zenbat eragingo diedan. Alik geiena lortzera aleginduko naiz. Diru oekin aski izango dugu nonbait, Deyrolle-na ordaintzeko, itxaso ta guzi, nik uste. Orra garbi kontuak. Txiro, bainan argi, orra nire ikurritza.

        Mila esker, nere ostera gerta gogo duzulako. Guda-semaz gainera badizugu emen bildurtzekorik. Artajok Londonen egin azalpenak, Frantziari buruz batik-bat, bildurgarri dituzu guretzako, errikatuontzako. Nik uste, Espainiak laister Prantziko Jaurlaritzari espainiar erbestetu deritzaigunok, aixatu eragingo dizkiola, eta nora jo jakin gabe arkituko gera. Or ikusiko.

        Ilbeltzeko PEN Bulletinen argitara dira orra igorri nitizun iritxiak, bat ez, beste guziak. Alos-Torreaz idatzi nizuna ez dut argitarazi, ez dakit zergaitik. Bidaiez igortzen dizut zenbaki ori, jakingarri baita.

        Jasoak dituzu nunbait, 16 ezkero igorri nitizunak, Miranden «Para-psykhologia»-azkoa eta ene kritikatxo bat Etxanizi buruz. Irizarrek ez omen ditu E.-G. (Irail-urrilak)-ren banakoak artu. Bear bada aiek ere oporra dalata, or nunbait kakatuak ditezke.

        Biar edo etzi berriz ere idatziko dizut, Deyrolle-n berri emanaz. Gaurkoa laisterka igortzen dizut artega ez zaitezen.

        Gorantzi ezagunei, eta besarkada sendo bat orizu.

        Garcia Urtiaga, Mexikoko euskotar aberatsaren alabai euskera irakasten ari naiz. Astean bi aldiz, ematen dizkiet ikasgaiak.

        Agur.