—67—

JOKIN ZAITEGIri

Guatemalara

Paris, 1952-III-15

        Adiskide mami:

        Zure Epailaren 4koa iragan asteartez eskuetaratu zitzaidan. Jesu bitan Deyrolle-nera joan nintzan bialkunak zuk esan bezala antola ote zitezken jakiteko. Ikasi ta ikusiko zula esan zidan eta bidaiez erantzuna emango. Gaur, larunbata, goizetik Deyrolle-n baiezkoa jaso dizut, eta zure diruak artuta, bereala areneratu naiz, kontua garbitzeko. Beaz, laister artuko dituzu irakastailuok urrengo bialkunetan datozen bezala:

        Botanika eta Zoologi laurkiak zure izenean.

        Belarri, begi ta giza-enborra Zugadirenean

        Txikikuskin eta meatz bilduma Segré-renean.

        Eratxikita igortzen dizkitzudan faktura proformetatik ikusiko duzu zenbat diru ordaindu dudan. Bialkuna egiterakoan egingo dituzte benetako facturak. Orra txindi gorabera:

        Zure izeneko faktura        46.325

        Zugadiren izenekoa        42.435

        Segréren izenekoa        36.065

        Jaso-agirien ikurratzak            175

                —————————

        Oro        125.000 libera

        Zure lengo diruak        103.000

        Arrezkeroko 60$ (400 bakoitza)          24.000

                127.000

                —————————

        Eralgiak        125.000

        Zure alde          2.000

        Beraz, zure dituzun 2000 (bi mila) franco emen dauzkat. Oraingo ontan dolarra merkeago saldu bear izan dizut, beraka aundia egin dualako azken egunotan. Lentxeago saldu izan banu, geiago aterako nuen noski. Dana dala ez dago gaizki. Orra ba, kontuak argi eta garbi. Laister artuko al dituzute bialkunok. Deyrolle-k, ez dakit zergatik, nere izenean egingo dituala esan dit. Ez geiago luzatzeko baietz erantzun diot, eta datorren astelenean igorriko dizkitzue.

        Ez didazu ezer esaten nik aspaldi biali dizkitzudan euskal lanetaz. Ez ote dituzu artu? Mirande urduri dago bere sikologiazkoa zer iruditu zaizun jakiteko. Keats-en «La Dame sans merci» ederki euskeratu dizu oraingo ontan. Ez dizut igortzen lenagokoak artu dituzun jakin arte. Euzko-Gogoa mordoa ere ez du Irizarrek artu oraindik. Galdu ote dira auek ere? Ez naiz bestalde, bat ere arritzen oiek ez oraindio irikia guziz lanpetuta ibiliko zeralako zeure ikastetxe berri orrekin. Dana dala, ia atsartetxo bat artzen duzun, galde oei erantzuteko. Nik ere jakin gogo nizuke Orixek zer iritxi dion nere Meza-Bezperatako kritikatxoari.

        Agur adiskide, eta agindu beti ere. Zure euskera baitan.

        (I.O. Aldamenean iru factura dioazkizu).