Azken emanaldia

Obra baten bukaerara iristen garenean, obra hiltzen dugunean, beti izaten da berezia agurra. Agurtzen dugu pertsonaia, agurtzen dugu lantaldea, agurtzen dugu kontatzen genuen istorioa. Pertsonaiaren arropa gordetzeko prest dago armairua.

      Zein eta nola izango ote da nire azken emanaldia? Azken arnasa? Zer axola du honek! Jendeak jarraituko du antzerkia idazten, antzerkia egiten, antzerkia ikusten, antzerkia maitatzen, antzerkia bizitzen, bai, aurrera jarraituko du antzerkiak, antzerkiaren labirintoak.