Txaloak hartzea

Antzerki emanaldi baten ostean normalean txaloak jasotzen ditu aktoreak. Eta txalo horiek jasotzeko moduak daude. Badira agurtzera ateratzen ez direnak, edo La Zaranda antzerki taldekoek agurtzen duten modua: pertsonaien koadro estatiko bat egiten dute, eta pertsonaiak dira txaloak jasotzen dituztenak.

      Niretzat agurra sakratua da, egiten den erara eginda, baina ez da agurrean fribolitatea ezta lotsa adierazi behar. Solemnitate pixka bat egon behar du eta pertsona bera den moduan azaldu. Ikusleari esker ona adieraziz, eta taldean egindako lanari errespetua eta esker ona eskainiz.

      Izan ere, txaloen sinbolikaren atzean zerbait garrantzitsuagoa dago aktorearentzat: ikusle horren arima ukitu eta hunkitu izana.