Helburua

Oholtza gainean, noraezean ibiltzea baino hobe da helburu bat izatea.

      Imajinatu igerileku batean gaudela. Bertan, hiru pertsona uretara salto egiteko prest daude. Hirurek aldi berean salto egiten dute. Lehenengoak igerika oso ondo egiten du. Izugarrizko besoak, gorputza eta estiloa dauzka. Bera ikustea izugarri ederra da. Bigarrena igerika ikustea berriz, guztiz barregarria da. Pailazokeriak egiten ditu eta oso irringarria da. Eta hirugarrena, normala da. Baina hirugarrena igerilekuaren beste puntan haur bat itotzen ari delako ari da igerika. Nori begiratuko diogu? Bada, haurra salbatzera doan igerilariari. Horra, helburua!

      Ikuslearengan tentsio bat sortzen da. Batzuetan, psikologikoa edota emotiboa izan daitekeena, jarritako adibidean bezala. Hirugarren igerilariak helburu zehatz bat dauka, haurra sorostea. Hirugarren igerilariaren ekintzak helburu bat dauka. Eta ikusleak helburu horren emaitza ikusi nahi du.