Hirugarren emanaldi hura!

      Gutxitan gertatzen da egun berean hiru emanaldi izatea. Baionako lizeoan izan zen. Hozkailua antzezlana ematen genuen Patricia Urrutiak eta biok. Lau egunez egon ginen bertan. Egunean bi emanaldi ematen genituen. Gela ikaslez lepo! Oso ongi funtzionatu zuten emanaldiek, azken egunean hiru ematea tokatu zitzaigun arte. Lehen biak ikasleentzat, eta hirugarrena irekia, eskolako gurasoentzat. Emanaldia ikustera bost pertsona etorri ziren. Hirugarren emanaldi hura, zoragarria izan zen.