Giltza

Obra baten barruan eszenak daude. Eta eszena batetik bestera pasatzeko ateak daude. Ate horiek zabaltzeko giltzak behar dira. Giltza horiek ematen diote zentzua obrari.

      Beste zentzu batean ere erabiltzen dugu giltzaren kontzeptua. Adibidez, giltza besteak daukala esaten denean. Sanford Meisnerrek esango lukeen moduan: “Bestearen baitan dago egiten duzuna, eta ez zuregan”. Ezin dugu bakarrik lan egin. Bestearengandik jasotzen duguna hartu eta erreakzionatu behar dugu. Besteak ematen digu hitza, begirada, intentzioa, adierazpena, emozioa. Besteak dauka giltza.

      Eta oholtza gainekoak ez duenean funtzionatzen, hutsaren hurrengoa denean, publikoak izango du giltza.