Irten aurretiko urduritasuna

Antzezlan bat egin eta irten aurretiko urduritasuna saihestea ezinezkoa da. Urduritasunak gure gorputza leku interesgarri batean kokatzen du. Eta bakoitzak aurkitu behar du nola eraman memento hori. Fisiologikoa da eta adibidez eszenara joan aurretik komunera joan behar izatearena oso ohikoa da. Niri adibidez, askotan, logura sartzen zait, eta batzuetan lo gelditzen naiz. Segundo batzuk dira. Badirudi nire buruak eta gorputzak zero estadio batera bidaiatzen dutela. Jarriko dudan eta gastatuko dudan energiaz kontziente naiz, eta orduan, hustasun sentsazio horretan sartzen naiz. Erdi lo.

      Ez dira gomendagarriak ez beldurra ezta izua sentitzea ere. Horregatik, emanaldiaren aurretik beroketa egitea garrantzitsua da. Buruan dagoena, gorputzera pasatzea. Emanaldiaren aurretik ere erritual txikiak egin daitezke konfiantza eta energia baikorra izateko.

      Nik, adibidez, emanaldi egunean ia beti heriotzarekin konektatzen dut. Ez dakit zergatik. Edo bai.