Antzerki klasikoan

Nire urtebetetze eguna zen. Hogeita bi urte betetzen nituen. Garai hartan, eta behin antzerki laborategiko ikasketak bukatuta, Miguel Narrosen zuzendaritzapean hasi nintzen lanean Madrilgo Teatro de la Comedian. Pierre de Marivaux-en La doble inconstancia ematen genuen. Aktore handiekin ari nintzen lanean: Antonio Valero, Ana Gracia, Carmen Elias, Gines Garcia Millan, Natalia Menendez… eta Helio Pedregal. Azken honek, ile-apaindegiko gelan ginela, zenbat urte betetzen nituen galdetu zidan. “Hogeita bi”, erantzun nion. Eta supituan esan zidan: “Ez dakizu zenbati gustatuko litzaiekeen zu orain zauden lekuan egotea”.

      Zer pentsatua eman zidan. Handik hilabete batzuetara bira eta lana utzi eta taberna batean hasi nintzen lanean. Teatro klasikoa ez zen nik egin nahi nuena.