POETEN SETA

Dirurik ez, nola ba? Irakurleak, nekez,

eta ganora ere zalantzazkoa, ustez.

Bizitza laburra dute; luzea gaubeila.

Lau mila urte bai, iraungitzear daudela.

Liburu finegiak idazten dituztenez,

alabak amari oparitu dio nobela,

ez dezan pentsa mehekiro maite duela.

Ez dute gidatzen; koitaduak, beti trenez,

muker, gaizki-esaka tokatu zaien aroaz.

Ez zaitzatela engaina: itxuraz baketsu,

erasotzen dute kanoi-etenik lerroaz.

Elikatuz zaharkitutako txondor ketsu

bat, ahanzturarantz xuxen-xuxenean doaz,

suari hitzak emanez, asabenak jasoaz.