«Goxo hitz egiten dio belarrira, jolasti baina zuzen, itzulinguruka baina helmugaz ahaztu gabe. Unibertso partekatu baten konplizitatetik ari zaiola lirudike, poetak berea duen eta irakurleari ere aitortzen dion unibertso bat».

«Oso detaile gutxirekin poema bikainak ondu ditu, irakurlea etengabe irribarre egitera eta hausnartzera bultzatzen dutenak, tonu ironikoa albora utzi gabe literatura eta metaliteraturaren aferak jorratzean —poesiaren izaeraz, sormenaz ihardetsiz, adibidez—».

«Enbido dira orriok norbaitek eduki zain: erronka edo proposamen; ulua, finean, uluaren zain. Aski ezagun dugu metaliteratura, baina poesiaz hausnartzeko poesia egitea baino modu hoberik ba ote?».

«Dena hasten bide da zerrenda batez. Otoi oro omen da zerrenda. Poema-otoitzetik aldentzeko bidea eskaini digu poetak: ipuin bilakatzea edota ulu bilakatzea, horixe zioa. Alta, biak saihestea egundo lortu gabe ari duzu poeta».