CHICAGO:
CITY ON THE MAKE
(NELSON ALGREN)

Inork ez ditu sekula

zuk otordurik egin behar ez duzun

jatetxeak izendatuko,

ez eta

bertan edan ezin duzun

tabernazuloak ere.

Egin zerorrek zerrenda:

     — bizi beharko ez zenukeen kaleena

     — gaurik pasako ez duzun hotelena

     — lanik egin ezin duzun bulegoena

     — kide izan ez zaitezkeen sindikatu guztiena

Egin zerrenda txukun eta luze bat

eta makinaz pasa, hirukoiztuta.

Bidali kopia bana Douglas senatariari

eta Levinsky Erregeari.

Erregea zein senataria, biak

daude zinez gaiarekin kezkatuta.