Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

KAMISETEN HAUTAKETAZ

 

 

Orain, janzteko kamiseta bat hautatzean

ez dut soilik kontuan hartzen

negua den ala udaberria.

 

Ez dut soilik proiektatzen egun horretan

norekin egongo naizen eta

ea egokia den haiekin partekatzea

marra, kolore edota testu horiek.

 

Orain, kamiseta bat hautatzean

pentsatzen dut: hau jantzi nuen

elkarrekin kontzertu hartara joan ginenean,

hau jantzi nuen txinatar zerbitzaria zuen

taberna hartan kafea hartu genuenean,

hau jantzi nuen neskatxa gari ale batzuk

zituen kamiseta beltzarekin

trenetik jaitsi zenean.

 

Esanahiei gainezka egiteko gaitasuna

dauka hain menostutako maitasunak.