AZKEN NAHIA

Eta nik alde egingo dut. Eta txoriak geratuko dira

abesten.

Juan Ramon Jimenez

Orain

lortu dut neu egongo ez naizenean

abestuko duten zozo guztiengatik ere poztea.

W.H. Auden

Urriaren 27an larrialdien eraikinetik

ospitaleko solairu arruntera

eraman zutenean

hiru gauza eskatu zizkidan:

azazkalak moztekoa, eskuetarako

krema hidratatzailea eta liburuak.

Camusen Los justos eta Bozalen

Pinturas negras de Goya eraman nizkion.

Ez zen inoiz libururik gabe etxetik ateratzen,

harritu ninduen bat bera ere gainean

ez zeramala jakiteak, esan egin nion,

erantzun zidan ez zeramala bakar bat ere.

Biharamunean galtzontzilloak eskatu zizkidan.

Mariari, galtzerdietakoarenari,

erositakoak eraman nizkion.

Nola jakingo genuen 2020an hilko zirela biak,

Merced karrikako seme-alabak.

Hil eta ospitaleko objektuak

itzuli zizkigutenean,

bi libururen tokian

hiru jaso genituen:

Camus eta Bozalez gain,

Audenen El prolífico y el devorador libratu ziguten.

Ez dut inoiz jakingo hura

hartu zuenean zetorkionaren kontzientzia

zuen ala une hartan, ezkutuan,

irakurtzen zuena ote zen.