BATERIA

Jaitsi nuen mendia azkar, ia korrika,

ezin nintzen atzean geratu,

odolusten ariko banintz bezala,

ezpalak hatzetan banitu bezala,

piztia batek pertsegituko banindu bezala.

Sakelakoari bateria agortzen ari zitzaion:

% 34, % 23, % 19, % 14, % 9, % 4, % 1.

Kanpinera iritsi eta

atzetik sartu nion kablea.

Salbatu nuela iruditu zitzaidan,

ziztuan doan anbulantzia

gidaria banintz bezala,

hilzorian dagoen zauritua jasotzera bidean.