OSTIRALA

Ostiraletan Kale Nagusiko Joaquin Maya

musika eskolatik atera eta etxera

joaten nintzen amarekin. Udaletxe plazara

iritsi aurretik eskua estutzen zidan,

ikusten genituen polizia urdinak,

erortzen ziren pilotak eta koktelak.

Pilota horietako bat etxeko egongelan zeukan

gure amatxi Pilarrek, 70eko hamarkadako

data zuen papertxo batean, zeloz.

Balkoian zegoen egun batean, begira,

makurtu zen lurretik krisket bat jasotzera,

leherketa bat entzun,

kalera begiratu,

eta polizia bat zuen makurtu aurretik

burua izandako tokira destatzen.

Birritan egin zion ihes heriotzari Pilarrek,

izan da gehien bizi izan den errekaldetarra:

bigarrenean minbiziari,

lehenengoan, krisketari esker, Poliziari.

Hiru gauzak batu naute amarekin:

polizia eta zakurrekiko beldurrak,

eta hiru hilean behineko

erritualean jaten genituen txigorki gozoek.

Beldurra nien ostiralei.