MAITASUN POLITIKAK

Maitasuna da kontakizun bat

guztiari euts diezaiokeena,

atsegin ez duzun sexu harreman bati, adibidez.

Politika da harreman bati eusteko

ahal duzun sexurik onena

ematea bikotekideari, adibidez.

Askatasuna da nahi duzuna esatea

axola gabe horrek ondokoari

zer eragingo dion, adibidez.

Maitasunaren politika da

isiltzea eta albokoari ez esatea arrazoirik ez duela

nahiz eta ez duen, adibidez.

Maitasunaren politika da

maiteari adieraztea, inork adierazten ez diolako,

ez duela arrazoirik, adibidez.