Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

ILUNTZEAN

 

 

Gaurko egunez jaio zen Roberto Bolaņo.

Baina nik bularrean zauzkat

etxeko egongelan zabuka.

Gelditzen banaiz negar egiten dut.

Eta etzanda ikusten ditut hormako irudiak.

Markoen barruan dauzkat

Potemkin korazatuko eskailerak

eta eskaileretan emakume hori, ama,

ama guztien ama, Gorkirena, Brechtena,

bularrean haurra daramana.

Potemkinen eskaileren gainean

Lissitzkyren triangelu gorria.

Eta Michael Jordan eta Lorcaren marrazkia.

Eta Cardenaseko erakusleihoko ispilua.

Nahasten dira Kollontai telefonoan

eta Ariadneren lamina, zirkuluena.