ALABAREN OIHALA

Perds-toi pas, suis-moi

j'ai encore ton odeur quand tu dors sur moi.

Maes

Idoia filmetako logistikaz arduratzen da.

Hori da bere ogibidea.

Espezialista ukrainarrak eramaten ditu,

bikoiztaile profesionalak, sutan dagoen

helikoptero batetik jauzi egin dezaten.

Idoiak zapi bat oparitu zion gure alabari.

Jaio aurretik esan zigun:

— Egin lo zapiarekin, horrela,

jaiotzen denean, estali eta oraindik

zuen ohean balego bezala sentituko da.

Kuluxka egitean,

alabari oparitutako zapia hartu

eta lepoan jartzen dut,

orain alabaren usaina daukalako

eta bera ez dagoelako etxean.