Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

ZORIONTASUNA, EDERTASUNA ETA GERRA HOTZA

 

 

Hori izan zen Gerra Hotza.

Hori izan zen hogeigarrena.

Gure mendea.

Aingeru bat, pertsona soil bat,

munstro bat.

 

Hil ala biziko gudu bat

zoriontasunaren munstroaren

eta edertasunaren munstroaren artean.

 

Guda pertsonal bat

arma nuklearrez, B52z eta AK47z.

Zoriontasuna: egunean sei kafesne

azukre birfinduarekin, azukre zuriarekin.

Edertasuna: kalorien kontrola,

keinuen kontzientzia obsesiboa.

 

Gerra Hotza:

Ameriketako Estatu Batuen eta Sobietar

Errepublika Sozialisten Batasunaren arteko

guda. Artearen eta diseinuaren bidez.

 

Errealismoa ala espresionismo alkoholikoa.

Rakhmaninov ala Xostakovitx.

Gorki ala Txukovskaia.

Gerra Hotza: errusiarren arteko

fratrizidio artistiko bat izan zen,

planeta gudu zelai hartuta.

Limonov ala Dovlatov.

Tsvetaieva ala Kollontai.

Trotski ala Stalin.

Empire State ala Sobieten Jauregia.

King Kong ala Lenin.

Bacardi ala Cienfuegos.

 

Festa hotza: paradisua Lurrean.

Eki ala Mende.

Gure mendea.

Geurea.