Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

BI MARIAK

 

 

1897an Vladimir erbestean zegoen.

Egunkarietan eskela bat

argitaratu zuten:

Maria Alexandrovna Ulianov

zendu da Moskun.

 

Vladimir Oskar ikustera joan zen.

Vladimirrek esan zion:

— Ama hil zait.

 

Baina beste Maria Alexandrovna Ulianov bat zen

Moskun hil zena.

 

Vladimirren amaren bihotzean, lanak itota,

kabitzen zen munduko samin guztia.

Alexandro seme zaharra

Schlisselburgen urkatu zioten.

Olga alaba

hil egin zitzaion.

Vladimir,

Anna,

Dmitri

eta Maria seme-alabak

atxilotu eta erbesteratu zizkioten.

 

Ordu luzeak pasatu zituen

behin-behineko

presondegietako harrera gela ilunetan,

paketeak eramaten zizkien.

 

Maria Alexandrovna Ulianovi

ahotsak ez zion ia dardararik egiten.

Bere seme-alabek

mundua inarrosi zuten

hamar egunetan.