Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

EREITEKO BEZPERAK

 

 

Elizabeth Wilkinsoni, bere ukabilkadengatik

 

1789ko uztailaren 14aren bezperan,

zer afaldu zuten Bastilla

eurenganatuko zuten iraultzaileek?

Norekin egin zuten lo?

 

Zeren badakigu maiatzaren 2ko

iluntze luze hartan, 1849ko Dresdenen,

Wagnerrek Marseillesa txistukatu zuela.

Iraultzaileek sei egunez hiria hartu

eta etsaiak 200 burkide hil baino lehenago,

1.200 preso hartu baino lehenago.

1.599 lagunekin batera ihes egin zuen

Wagnerrek. Izan zen eskale bat Parisen.

Eta maiatzaren 3ko bezperako txistuekin

idatzi zituen Lurreko melodiarik ederrenak.

 

1917ko martxoaren 7an,

mundua inarrosiko zuen urriaren aurretik,

norekin afaldu zuten ama guztien

Martxoaren 8a egingo zuten emakumeek?

Noraino heldu nahi zuten hurrengo goizean?

 

Eta zuk.

Bi hilabetez elkar ukitu gabe ginela.

Frantziako egun nazionalaren ilunabarrean.

Zerekin egin zenuen amets?

Zenbat denbora egin zenuen lo?

Zer afaldu zenuen?

 

Erretrospektiben dirdaian

bezperetako oturuntzak.

Rosa Luxemburgen ziegari

abesten zioten erresiņolek,

ereiteko ateen bezperak.