MASKARA

Gero betaurrekoak kendu zituen, tabernan zeuden guztien begiradapean. Kendu zuen kapelua eta keinu bortitz batekin bibotea eta bendak. Une batez eutsi zioten. Aurretiazko zirrara nardagarri bat sentitu zuten tabernan ziren guztiek.

H.G. Wells

Boxean nengoen

begirada galduta.

Sendalarien eremuko

erizain batek maskara kendu zuen.

Begirada lurrera jaitsi nuen

inor begira ez dagoela uste

eta biluzten denaren aurrean

egingo nukeen bezala.

Baina gero so egin nuen

eta ikusi aurpegia ukitzen zuela

esku batekin,

han zuela

egiaztatzeko balitz bezala.

Eta pentsatu nuen

ezagutzen ari nintzela

sendalari askoren

ibilerak, izaerak,

begiak eta ahotsak,

baina ia inoren aurpegia

ez nuela osorik ikusi,

ez nituela ezagutu.