Sortaldekoak
Sortaldekoak
2021, poesia
136 orrialde
978-84-17051-72-3
Azaleko irudia: Alain Urrutia
Hedoi Etxarte
1986, Iruņea
 
2012, poesia
2008, poesia
 

 

 

ESPAZIOAREN LOGIKA

 

 

Alemaniako langileek,

Brechten lumaren bidez,

bazekiten autobideak ez zirela egiten

jendea oporretara joateko,

baizik eta tanke astunak

batetik bestera garraiatzeko.

 

Beren gerrak hiltzen du

bakeari bizirauten diona.

 

Badakigu kaleko toki ilunak

ez dituztela argiztatu

gizon bortxatzaileek

beldurra izan dezaten,

Poliziak hobeto zelatatzeko dela.

 

Badakigu ez dituztela

kaleak kotxe partikularrez hustu

jende zaurgarriaren

eta ekologiaren alde,

baizik eta, ostalaritzaren bidez,

kalea gehiago pribatizatzeko.