92

Infusio-aroa

Etxera ekarri dut Amaia aldi baterako.

Orain, lanetik bueltan,

infusioak hartzen ditut ardoaren ordez.

Margaritarekin ikaratzen denez,

ez da irteten, bogada zabaltzeko ez bada.

Baserrian, lehortzen ipinitako izarei tenk egin

eta erromatar mozorrotzen ginen,

hemen ez den hemen batean.

Gero, kuleroak eskuz garbitzera

derrigortzen gintuzten.

            “A mak tal ko u sai na i za ten zu en…”.

            “Eta aitak lurrarena

            eta fabrikako koipearena”.

Udaberriko domeketan,

Arbolantxako txakolinera joaten ginen.

“Otxarkoagatik Salberaino da Begoña.

Erromeriak egiten zituzten ermita bota arte”.

Neguan zinera,

biok manopla zuriz eta perlezko galtzerdiz.

Amaiak eskumuturrean lotu du

Bordeletik ekarri diodan erlojua.

Paisaia baten akuarela bat dauka esferan.