9

Oihal morea

Asko gara guardasolen azpian.

Egia ezetz zerutik etorri.

Auzoko plazan, I.B.ren argazkia.

Izena, oihal more luze batean.

Esamesa eta marmarren zaparrada.

Sostena kenduta agertu ei da.

Berri-emailearen agur irmoa.

Gu guztiok ere Irati gara.

Neska-arropak zintzilik, mela-mela.

Enegarren arrosarioa kableetan.

Irati plisti-plasta dabil

oihuetan,

                txaloetan,

                                 malkoetan,

sena galdutako sirena bat bezala.