53

Lehen hitzordua: “Urdaibai”

Putzuak saihestuz noa Martzanaraino

Gabonetako argi-girlanden azpian.

“Urdaibai” autoizendatzen den batekin

aritu naiz txatean,

mendizalea izateaz gain psikiatra delako.

(Amak bidali ote digu zerutik?).

Profilean, behintzat, ez du horterada tipikoa ipini,

Bizitzako Unibertsitatean lizentziatua.

Burdindegi batean sartu naiz

:

silikona Amaiaren bideteko juntak ixteko

eta aliketak Mallonaberrirako.

“Urdaibaik” gin-kasa eskatu du;

nik, ur gasduna.

            “Idazleen edaria, ezta, Nerea?”.

Nik dakit ba. Pitokeriak.

Gizon astuna da, giltza ingeles bat.

Eta tragoa likidatu eta batera, ez du, ba,

poltsikotik errezil-sagarra atera?

            “Tentaziorako prest, bai ala ez?”.

            “Ez? Bai? Guggenheim Urdaibain?”.

Metrorantz egin dut ziztu-ziztuan,

enpaguz eztulka, repelusak jota.