40

Mezularia

Badator Laia Lopez garitara azken orduan.

            “Aurrekoan ez

            nizun hau

            aipatu”.

Gutun-azaltxo horrek erre egiten dio eskua.

            “Koaderno bat

            da. Leitzeko

            pasatu zidan, tan

            normal. Pixka bat

            depre ikusi

            nuen, baina

            ni moskeatuta

            nengoen eta…”.

Ozta-ozta lortzen du zapaltzea negargura.

            “Gero… Badakizu. Tori,

            nik ez dakit zer

            egin honekin eta nahiago

            dut zuri

            eman psikologoari

            baino”.

Eta presaka doa, inkesaka, kreatura.