60

Zero aukera

Azeleragailua zapaldu.

Ordu laurden barru, nire erreinuan.

Ez da ideiarik onena izan

gaur zinera joatea Bilbondon.

Furgonetaren eskuila gaixoek

ezin abasto eman euri-jasan.

Azeleragailua zapaldu.

Hamar minutu barru, nire erreinuan.

Gidari miope bat dakart popan,

pega-pegatuta, muki bat bezala.

Kenduko ditu luzeak, potrohandiak?

Bota egingo nau galtzadatik.

Azeleragailua zapaldu.

Zortzi minutu barru, nire erreinuan.

Gurpilek legarra barreiatu dute

auzo-bidea hartu dudanean.

Atzekoak ere utzi du karretera.

Segika datorkit, txerri alaena?

Azeleragailua zapaldu.

Bost minutu barru, nire erreinuan.

Iskin egiteko aukerak, zero.

Zuhaitzen kontra urratu dut furgoia.

Autoak argiak itzali ditu.

Ezin dut ikusi zaparradan.

Azeleragailua zapaldu.

Hiru minutu barru, nire erreinuan.

Nire fetitxea daukat guanteran,

errementari-mailutxo leial bat.

Oihu bat gatzatzear ahoan, oihu bat gatzatzear ahoan.