102

Dei batek solas interesgarri bat zapuztu

Ezinbestean, kabalak egiteari ekin diot.

Gizon Kaladunaren izenak badu M letra

eta I.B.k txakur-ileak zituen arropan.

            “Nire ezagun bat ere ibiltzen zen

            txakurrekin boluntario.

            Entzungo zenuen zerbait… Irati Beraza”.

            “Ene! Bai, bai…

            Nire ikaslea izan zen Mallonaberrin…

            Badira hiru edo lau urte…”.

Total maskaldu zaio aurpegiera.

            “Tratua izan genuen, ia azkenera arte…

            Idazlantxoak pasatzen zizkidan…

            Begira, kamiseta hau berak egina da…”.

Bat-batean, mugikorrak jo dio.

            “Bale, amatxu… Ileapaindegira...?”.

Jarrita gauden enborretik altxatu da.

            “Agur, Agurtzane…!

            Bakarrik uzten zaitut paradisu honetan...

            Baina badakizu…

            Gauzak, zenbat eta bakartiago, ederrago…”.

Zergatik sentitzen naiz amildegi-erpinean?