72

Bigarren hitzordua: bildotsa

Ikus dezagun zer desnibel duen terreno honek.

            “Apur bat urduri nago”.

            “Lasai, ez gara ezkontzeko geratu”.

            “Ez duzu zure adina ematen”.

            “Eta?”.

            “Ezer ez, gustatzen zaizkit andre nagusiak”.

            “Ten points orduan”.

            “Administraria naiz Osakidetzan”.

            “Ni atezaina institutu batean”.

            “Biok funtzionarioak, Nerea”.

            “Kar-kar-kar-kar-kar”.

            “Badaukat ega, ez pentsa”.

            “Irakaslea izan nintzen euskaltegi batean”.

            “Nahi duzu etorri etxera?”.

Arenaleko zubian, txurro-sunda.

Funtzionarioaren atarian, lau vt plaka.

Quo vadis, Bilbo hiria, turisten zerbitzaria?

Sobatzen uzteko prest zaude, txanpon baten truke.

Guk ere jardun dugu, elkar erantzi arte.

            “Lotuko nauzu ohean?”.

            “Abila naiz eskulanetan”.

Bildots baten gisa utzi dut, hankak faltsuan lotuta.

Tranbiara ospa egin dut, pilotu automatikoa jarrita.