146

Irakurleari

Uste nuen ez nuela sekula lortuko.

Irakurle gartsua izan naiz beti.

Eta irakurle batzuk

idazteko bulkadak jotzen gaitu.

Halaxe, aurrezkiak enplegatuta,

posible izan dut eszedentzia hartzea

esperimentu xelebre hau gauzatzeko.

Ez esan bitxia izan ez denik.

Barkatuko dizkidazue akatsak.

Badakit profesionala ez izateak

ez dituela hanka-sartzeak justifikatzen.

Baina ezin da jakin dena ondo egiten.

Gozatu egin dut istorioa eraikitzen,

ikastetxe bateko atezaina —ni neu—

detektibe amateurra bilakatuz,

                  traman bospasei hari bihurrikatuz

                                eta gertaera sorpresak uztartuz.

Divertimento seriotzat hartu dut ariketa.

Eta aitor dezadan

karpeta batean gordetako poemak ere

birziklatu ditudala

atmosfera girotzen laguntzeko.

Aurrejuzgurik gabe irakurtzen al duzu?