55

Noski, Wakoski

Larrialdietako itxarongelan,

nire begiak saltoka lerrorik lerro,

izokinak korrontean bezala.

Liburua zabalik,

neureak izan gabe neure direnak

apuntatuz noa.

Kimono horia — Eraztun turkesa — Ardo gorria — Errepidearen ertzak lehor eta zehatz nire ezpainak bezala — Mendiak — Zuhaitzak — Udaberriko euria — Zizareak distiratsu, glandeen antzera — Hegazti tropikalak — Buztan-ikarak — Olatuen gandorrak — Haitz bat itsasoan bidea zabaltzeko borrokan ari den gigante baten besoa halakoa — Tintontzia — Eukalipto-egurra — Beheko sua — Gorputz bat, maitasunez hain betea nola mertxikondoa udaren amaieran — Arrosak — Bugainbileak — Sasiamak

Eta bioletak, noski, Diane Wakoski.