75

Aita gardenak

Ez litrorik.

Ez drogarik.

Ez nota txarrik.

Ez depresiorik.

Ez portaera eskasik.

Ez jarrera antisozialik.

Ez erronkarik hartzeko beldurrik.

Ez dizu aitaren absentziak

mailatu emozionalik utzi,

               konfiantza murriztu,

                                   babes-premia gehitu,

Irati?

Psikopedagogiaren aburuz,

aita gardenek

—a zer eufemismo aita absenteentzat—

ondorioak uzten dituzte afektuen ingeniaritzan.

Non dago, non zegoen, non egongo

zure logelako argazkian tantoballe zintuen aita?

Erne ni semaforoan, batera eta bestera begira.

Mordoilotu egin zaizkit pentsamenduak

:

kotxeren bat ziztuan agertu

eta jo eta errementatu egin ahal ninduke ilunpean.