58

Ikatz-troko

Mau afanez ari da

atzoko txuleta-hezurrak karrakatzen.

Hor zehar pasatu du gaua, bere kasa.

Basi-basi azaldu da goizean.

            “Nondik demonio zatoz?”.

Urrunean entzun genituen zaunkak afaritan.

“Zure ikatz-trokoa izango da hori, ez?”.

“Zer da, ratoneroa ala arraza?”.

Ea ba. Mesede asko egiten didate.

Baina ulertzen dut txakurrak paso egitea.

Izan ere, biok diegu alergia

arropa garestiari,

             markako perfumeei,

                             manera pipirriei,

                                            zorion perfektuari.