85

Ezin da dena zehatz-mehatz kontatu

Bikote beterano bat ematen dugu besotik helduta.

Plazatxo batetik sartu gara lokalera. Hormetan, trinkete-palak. Bitrina batean, ofrenden antzera,

Mauleko espartinak,

                  Heletako gaztak,

                                     Irulegi arnoa,

                                                  pateak,

                                                                foie-grasa.

Gazte batzuk euskarazko ariketak egiten mahai batean. Institutuaz oroitu naiz. Victorrek esan dit pentsakor nagoela. Egia, malenkonia moduko bat solidotu zait barruan, gelatina-geruza deseroso bat.

I.B.ren historia azaldu diot, gutxi gorabehera. Ezin da dena zehatz-mehatz kontatu.