109

Tenplua

Baina nik badut plana zapaturako.

Idazkaritzako fitxategian topatu nuen

I.B.ren aitaren helbidea,

txalet adosatu bat, Eatik hurbil.

Abisatu gabe azaldu naiz.

Andre gazte batek ireki dit atea,

ilegorria,

                liraina tope,

                            gona hippya,

pare bat urteko mutiko bat atzean duela.

Umezaina da, hurrean.

            “Roberto Beraza, mesedez?

            Ertzaintzarentzat lan egiten dut”.

Di-da erakutsi diot Museo Lagunen karneta.

Lortu dut ziria sartzea.

Aita Gardena laster etorri da

galtzerdi hutsik,

                hirurogei bat,

                                 sudur kakoa,

eztarriko marranta garbituz,

                 zapatak uzteko txokoa seinalatuz.

            “Pasa, pasa barrura”.

Estudioa dauka, makrogela bat norberarena

:

jainko-jainkosa hinduen irudiak,

            tea zerbitzatzeko ontziteria,

                   mudren posterra, meditazio-gidak.