130

Anestesia

Zigarro bat hiruron eskutik eskura.

Haranean, Txorierriko trena industrialde ondoan.

            “Zer ikusten zenion Martini?”.

            “Dena… Zuek ezin duzue hori ulertu,

            maitasuna”.

            “A ez?”.

            “Martin paregabea da”.

            “Pipa-azal bat bezain paregabea”.

Edurnek gorroto ditu ika-mikak.

Beste zigarro bat. Benga, kea eta bakea.

            “Zer esan dizu abokatuak?”.

            “Kasuak ez daukala ibilbide luzerik”.

            “Eta Traumatologian?”.

            “Agian ezingo duela berriz ibili.

            Txarrena eldarnioak dira.

            Gorputz osoan ditu arratoi-hozkadak”.

Laurak antsiaz darama zigarroa ahora,

anestesia-txute bat sartu nahirik bezala.