43

Altxorra

Hasi dira galdeketak.

Ur-botilaz,

                  kleenex-kaxaz,

                                 folio pilaz

txukundu dut batzargela.

Non zegoen nor azaroaren 15ean,

16:00etatik aurrera?

Etxean. Kiroldegian. Akademian. Ziberrean.

Erantzun xaloak, merenge hutsa.

Cocker-begiren txanda.

Keinu egin dit kristaletik

:

ez du txintik esango.

Nitaz fio da.

Altxor bat daukat. Inork ez daki.

Gehixeago itxaron, gehixeago itxaron.