28

Tortilla-pintxo batek konplizitatea bermatu

Orain auto-buxadurak sortzen dira kalean

familiek seme-alabak batu nahi dituztelako.

I.B.ren heriotza urrakada bat dugu egutegian.

Gu biok degustazioan geratu gara.

Laia Lopez —alias Cocker-begi—

azazkalak marruskatzen ari da

nire birraren bitsari begira

padura bati bezala, pasatu, ez pasatu.

            “Coca-Cola

            bat eta tortilla-pintxo

            bat”.

Trebea naiz entzuten

:

ofizioa balego, aditzaile profesionala nintzateke.

            “Zer moduz? Zelan daramazu kontua?”.

Laia Lopez ez da umekondo bat

:

mukiei gorantz egin eta penak xurgatzen ditu, bare.

            “Txarto. Ikasten

            laguntzen zidan. Ni

            desastre bat naiz. Udan

            Ibizara noa,

            kamarera”.

Zein harrigarriak diren feeling naturalak.

Zein aztergaitzak, intimitatearen imanak.

Lagun min-minak ziren

arropak erosteko,

              gauzak elkarri uzteko,

                           juergetara irteteko,

                                             batak besteari eusteko.

            “Txakurtegira

            joaten ere hasi

            ginen, boluntaria. Pena

            ematen zioten animalia

            abandonatuek”.

Nire pozerako, ezer ez da debalde

:

tortilla-pintxo batek konplizitatea berma dezake.