78

Purgatorioaren deskribapena

Beldur nintzen Amaia ez ote zen sekula esnatuko.

Lo eduki duten aldian etengabe mugitu ditu begiak.

            “Pur ga to ri o a ez zait gus ta tu.

            Hi po dro mo bat e ma ten du.

            De na da go he siz be te ta,

            e zin nu en sal to e gin

            au rre ra se gi tze ko.

            Ho rre ga tik i tzu li naiz”.

Besarkatu egin dut.

KH7ren usaina dauka.

Hesiak daudela zeruan?

Nire ahizpak ez du, ba, oztoporik merezi.

            “Zu ku a e dan go nu ke gus tu ra”.

            “Laster emango dizute alta.

            Elkarrekin egingo ditugu Gabonak”.

Ahal izatera, arrelepo hartuko nuke ahizpa

elkarrekin joateko garotzan murgiltzera.