24

Carpe diem

Hedonismoa irtenbide bat izan daiteke

aldaketa-garaian edota krisian gaudenean.

Aspaldian ez dut larrurik jo.

Egin beharko nuke noizean behin

osasun ginekologikoaren mesederako,

bagina atrofiatu egiten baita menopausian.

Jostailuek aspertu egiten naute

:

norbaiten eskuak nahi ditut azalean.

Alabaina, erreparoa eragiten didate

saburdinek,

                     banpiroek,

                                        robocopek.

app bat deskargatu. Profil txulo bat asmatu.

              Pitintxo bat arriskatu.

Izena: Nerea            Egoera: carpe diem

Adina: 60                Edaria: ardoa

Interesak: brikolajea, mendia, opera, rocka

Argazki bakarra igoko dut,

bizkarrez, badaezpada.

Nire pseudoerretratua egituratu ahala,

pantailan islatu zaizkit zimurrak eta orbanak.

Berriz loratzeko tentazio hau

oso-oso-oso krudela da.