15

Neska tatuajeduna

Mur-mur dabil azaroko haize gordina.

Pankartak pal-pal patioko hesian.

Ikerketa sumariopean dago.

Gazteon urdailetan, sandwich begetalak.

            “Lagunduko kaxa batzuk mugitzen?”.

Baina zer autoritate ematen dit

lepotik darabildan giltza-sortak

neu banaiz albal pilotak batzera makurtzen dena?

Aldamio-zarata obra batean.

Anbulantziaren turuta-hotsa kantoian.

Zizen mizelioek, sare handia.

Gazteok ere ugari kode-klabeak.

            “Bale, neu

            noa”.

Zelan demontre du izena neska honek?

Pantera baten tattooa belarripean,

nirekin dator, hain xaloki, biltegira laguntzera.