16

Cocker-begik barbakoa-hatsa dauka

Tatuajeaz aparte,

neska honek badu zer luzitu

:

cocker-begi ilunak,

             lau piercing eta erdi,

                    galtza estu-estuak.

Barbakoa-saltsa hatsez bete da biltegia.

            “Nire lagunik

            onena

            zen Irati”.

Buruan zerbait ireki zait,

itsulapiko baten arraila.

            “Beti ibiltzen

            ginen elkarrekin, tipo

            bat ezagutu

            zuen arte”.

Malko bat eta malko bi,

sekretu bat dauka Cocker-begik.