30

Hainbat eszena

Nire konfidenteak balioko luke

erreality batean tertuliana izateko.

            “Egun batean, beltzune

            bat ikusi nion

            lepoan. Kontuz, kari, esan

            nion, esaiozu

            ez txupatzeko hain

            fuerte”.

Nire konfidenteak balioko luke

zentro mediko batean kontsultore izateko.

            “Erantzun

            zidan ez kezkatzeko,

            tipoak esperientzia

            handia

            zeukala”.

Eta nik balioko nuke

Netflix-eko telesailen gidoilari izateko.

1. eszena posible bat —

I.B. eta mutil misteriotsua parkean, ligatzen.

2. eszena posible bat —

I.B. eta idem zinean, zirrika.

3. eszena posible bat —

Idem eta idem burgerrean, errietan.

Farmaziara joan behar dut Ramipril hartzera

:

endorfinak aztoratzen zaizkit

zokomiran dabilen detektibea izatera

jolasten naizenean.