65

Yoga-irakasleak hondoa jo

Irati Berazaren ama gure aurretik,

kulunkan dabilen belaontzia lez,

Mallonaberriko espaloian.

            “Eba, egun on. Kafetxo bat gurekin?”.

Sakarina eta minutu mutuak.

Menta-poleoaren lurrun likina.

            “Arte Ederrak        ikastekotan zegoen.

            Zu        institutuko kontserjea zara, ezta?

            Ez zenion        ezer igarri?”.

Ebaren paparrean, amatista bat dilindan.

Nire pentsamenean, suge bat sigi-saga.

            “Epaileak deitu dit,        ea ba ote nekien

            Irati        haurdun        zegoenik”.

Kafetegiko mahaian,

zamaontzi batek jotako zubia lez,

ziplo abailduta, Irati Berazaren ama.