131

Jarrera positiboa

Anestesistari begiratzen diodanean,

korapiloa egiten zait urdailean

:

bere senarrak eskuak jarri zizkidan gainean.

Gutxigatik ez ninduen hil kabroiak.

Baina hori esatea

—eta hark aitortutako dena—

itsu bati makila lapurtzea litzateke.

Txerria maite baduzu, korta garbitzen diozu.

Eta, gertatuak gertatu,

Lady Laurak beti babestuko du Mimosito.

Ederra dauka marroia.

            “Badakizu zer, Laura?

            Denak dauka bere alde ona”.

Bere mihia, sarri, xiringa toxikoa baita.

Baina nik ere badaukat neure pozoia.

Dar-dar egin dio eskuak zigarroa itzaltzean.

            “Badakizu zer, Agur?

            Amargada bat zara.

            Denbora larregi pasatu duzu bakarrik”.

Bale, ados.

Ezagutzen du nire iragana eta hala ere...

            “Neskak, pixa egitera noa.

            Oinez itzuliko naiz etxera”.